Awe merdia pa 1:30pm a sosode un caso di menasa cu arma di candela na Sabana Basora. Dos unidad di polis a presenta na e sitio pa atende cu e situacion aki. Desde basta tempo tin un problema entre un grupo y un famia.
Cada bes e problema ta bay mas for di man, unda cu hasta a purba manda auto riba e famia of muchanan den area. E famia aki a cuminsa busca un cas den otro bario of districto pa nan por biba trankil. Pero awe merdia cos a bay for di man na momento cu un Honda color blanco number A-5892 a pasa y a menasa nan cu un arma di candela.
Polis a presenta pa tuma declaracion di e famia pa loke ta trata e incidente aki. Nan a core den e area pa mira si lo topa cu e auto, pero no a logra haya esnan cu a menasa e famia.
