E yate a bira noticia ora cu yatenan local a bati alarma cu e ta drief bay afo. E tabata riba anker banda di Surfside. Su condicion a bay atras. Asina mes e tin un doño cu parce no ta local. Ora el a kibra cabuya a drief pasa e boca pa lama grandi sin pega riba rif. No tabata tin hende abordo. Parce e yate su motornan ta defecto. Algun hende a purba yega na e yate Albatroz 3.
Kustwacht tambe a purba tira bista. Biento fuerte tabata hiba e yate pura afo. Finalmente ningun yudansa a yega. Hasta Kustwacht a purba haya e doño. Mirando cu no por a haya esunnan responsabel a dicidi di laga e yate sigui drief. E no tabata un peliger. Di otro banda e yate tin un balor. E doño no kier perde su yate.
E kier a drecha esaki. Esey tabata su plan. Ora cu tur hende a kere cu a yate a bay otro pais riba un drief, a resulta cu diasabra el a yega bek. Un compania priva a sali pa yuda cu nan ekipo maritimo pa busca e yate. Diasabra mainta a mira e yate biniendo aden riba touw. A hib’e den e lagoon pabou di dump den e zona di Bucuti. Eynan e lo keda. Fuente a confirma cu e doño tabata den e proceso pa drecha su yate cu ta den hopi mal condicion.
