Diahuebs marduga alrededor di 2:15 am a sosode un accidente un poco mas panort di dam di Rooi Afo. Ta trata di un Toyota Corolla color shinishi numera A-70201. E chauffeur tabata hunto cu pareha den auto direccion pa cas.
E chauffeur a conta cu; el a hala p’un cacho y djey dal contra di un palo di luz pa despues bay dal den un cura’i cas y bash’e abou. E situacion tabata uno peligroso, mirando cu tabatin boshi waya di coriente ta colga riba caminda.
Ambulance a presenta pa atende cu ambos victima, e dama tabata keha di basta dolor na curpa y brasa. E hende homber a ricibi basta rasca na su cara. Polis a cera caminda pa e personal di Elmar atende cu e wayanan di coriente.