Kust Surveillance ta sigui score. Diabierna mainta Kust Surveillance a bin topa cu un homber jong canando riba caminda den Colony. A bay over na detene pasobra e no por a mustra papel cu lo ta legal na Aruba.
E homber mes a bisa cu e tin algun dia caba e ta cu sed pero e polisnan a bise cu esey no por ta posibel ya cu nan tin varios dia ta vigilando e area. Polisnan mes a duna e homber awa pa e bebe sperando un otro patruya pa transporte pa warda di Santa Cruz.
Polis a topa cu varios vest tambe den area. Ora nan a keda cla cu e prome detencion, poco mas pabou di e Centro Colorado a bin topa cu un otro homber cu ya nan tin varios dia ta wak den e area.
E ta un homber local pero a haye cu cuchio. E homber aki ta canando varios dia den un pasada cu ta conoci pa illegalnan sconde aden. A bay over na detene y tuma su celular den beslag pa asina cuminsa un investigacion pasobra ta sospecha cu e e homber aki lo ta facilitando esnan cu ta drenta illegal cu algun artefacto pa asina nan por sali mas lihe for di Colony. Kust Surveillance a keda den e area pa asina wak si nan lo por a topa cu algo pasobra e informe cu nan tin ta cu un grupo di hende lo mester a drenta caba.
