Un studiante Colombiano cu a mata un trahado sexual den su apartamento na Sydney, prome cu el a huy di e pais, tabata declara no culpabel di asesinato, pero si di homicidio no boluntario. Hector Enrique Valencia Valencia, di 23 aña, a declara su mes inocente den Corte Supremo di New Gales p’e asesinato di Kimberley McRae di 69 aña na Coogee. E asesinato a tuma luga na januari 2020 ora cu Valencia tabatin 21 aña. Su declaracion di culpabilidad p’e cargo menor di homicidio no boluntario tabata rechasa p’e fiscalnan.
Valencia a bandona e pais, pero a haya sa unda e tabata scondi. Australia a pidi pa extradit’e fo’i Aruba na 2020. Durante su huicio, el a declara su so dilanti hues Dina Yehia di a rabia despues di a descubri cu McRae tabata transgenero. El a sigui bisa di a dal e na cara y stoma.
Durante interogacion (kruisverhoor) di fiscal, Valencia tabata di acuerdo cu e tabata yena di rabia na momento cu el a ataca McRae. Pero ta afirma cu e victima a pasa man p’un lampi y a trata di strangul’e cu e waya, y e tabata “spanta y den panico.” E hues tabata satisfecho mas aya di duda cu e causa di morto di McRae tabata stik causa p’e compresion (primi) di nek. Y cu Valencia a wanta e waya n’e parti dilanti di su nek “mientras e tabata pusha abou cu cierto forsa… durante algun seconde.”
Den ora laat di diabierna hues a duna su veredicto. Yehia a haya cu Valencia no tabata culpabel di asesinato, ya cu e no tabata convenci cu e sospechoso no tabatin intencion necesario pa descifra e cargo, pero ta culpabel di homicidio no boluntario. Corte a bisa cu e hallazgo aki tabata basa riba e echo cu tabata trata di un acto ilegal y peligroso, na luga di implica e defensa parcial di autodefensa excesivo.
Incluso hues a bisa cu e acusado y defunto tabata “involucra den un agresion fisico cu a inclui lucha p’e waya” y den e circunstancianan aki a comete e acto delibera cu a causa e morto. “Si bon no tin duda cu e acusado a rabia ora a descubri cu Kimberley McRae tabata transgenero, tabatin un evento intermedio entre e momento cu e rabia a manifesta y momento cu e acusado a comete e acto cu a causa e morto”, Yehia a bisa, y a agrega cu Valencia a interveni. E evento tabata e lucha cu a sigui.
Pa loke ta e acusacion di homicidio no boluntario, e hues tabata convenci cu e fiscal a exclui defensa propio mas aleu sin duda algun.
ENCUENTRO ENTRE VALENCIA Y MCRAE
Valencia, cu tabata studiante e tempo ey di Universidad di New South Wales (NSW), a tuma contacto cu McRae via un celular dia 8 di januari 2020. Valencia a bay na su apartamento na Mount Street despues di 3:18 pm pa tin sexo oral. Pa 4:17 pm, CCTV (camara) a gar’e riba su scooter tabata birando pa Coogee Bay Road.
Corte a scucha cu McRae tabata un trahado sexual cu tabata traha riba su mes y a publica su servicionan riba e rednan social, representando su mes como “un MILF blond di pecho grandi Australiano di 38 aña cu size di pecho G.”
Na comienso dje resumen di su sentencia, hues a bisa: “Identifica e fayecido como un persona transgenero y trahado sexual no ta pretende di husg’e ni haci ningun comentario adverso riba su estilo di bida. Mester compronde claramente cu Kimberley McRae tabata tin derecho di biba su bida con e kier. Tambe tin di recorda cu e tabata un escritor, un ruman y amiga di hopi hende. Cu el a muri na januari 2020 ta tragico.”
HUYMENTO
E echonan acorda ta indica cu Valencia a reserva un vuelo dia 10 di januari y a mand’e un mensahe na un amigo Spaño, traduci como: “Mi a tira mi bida afo, amigo. Mi ta huy pasobra mi no kier termina den prizon. Mi ta muri di berguensa di bisa esaki na cualkier persona. Mi ta kere mi a mata un p***a.”
Segun e echonan, Valencia a bisa: “Miho mi bay Colombia prome cu nan gara mi [emoji di yora]… Mi no por mir’e den noticia. Mi no sa si e ta morto, pero e mester ta despues di loke a pasa.”
Valencia a bandona Sidney dia 11 di januari 2020 y a yega Colombia dia 13 di januari. A bin haya curpa di McRae bou di un deken scondi bou su cama dia 14 di januari. A emiti un ordo di detencion pa Valencia na februari. A deten’e na Aruba y mand’e bek pa Australia na november 2020. Valencia ta bou custodia y dia 5 di mei ta dun’e su sentencia.
