A entrega carta contra proceso nobo di votacion na gobernador

Ora di cambio di ley mester di sosten di mayoria den Parlamento. Ora di pasa un ley, por tin e sosten dos tercera parti. Pero pa e ley particular aki mester di 11 miembro di e 21. Ta trata aki di e scanner pa e stembiljet. Gobierno ta pushando duro pa tin un scanner cu ta scan stembiljet despues cu bo vota.

E intencion ta, cu hopi a kere cu por dicidi si ta scan si of no, a resulta cu ta un obligacion pa scan y no tin confiansa den intencion di gobierno pa loke ta scanmento.

• 

• 

Pa introduci un scanner asina cu un gasto, cu no tin placa na e momentonan aki ni pa paga empleado. Ta haci un inversion pa algo cu no ta necesario. E sistema cu semper a cana bon, cu ta esun di marca bala, esey ta loke ta esun cu ta boga pe. 

AVP ta contra, pero aparentemente tin mas miembro cu mester duna sosten den parlamento y cu tambe ta contra. Di e grupo ey gobierno mester pa nan haya sosten di 11.

Marlon Sneek, lider di fraccion tabata na oficina di gobernador y a entrega un carta referente e asunto di scanmento.

Lubida scanner pa Stembiljet dia 25 di Juni: No tin sosten di mayoria den parlamento pa cambio di ley

Lubida scanner pa Stembiljet dia 25 di Juni: No tin sosten di mayoria den parlamento pa cambio di leyClick e link pa mas: https://24ora.news/3uKZLMk

Posted by 24ora on Wednesday, May 12, 2021

E ta conta cu gobierno na prome luga ta demisionario y no por tuma ningun decision. AVP no ta di acuerdo cu e cambionan introduci, referente na e scanner durante votamento. No tin espacio pa haci audit como partido. Ta importante cu na momento cu ta haci e cambionan aki, mester tin garantia cu e ta funciona.

Cada organisacion cu ta participa den e eleccion mester tin garantia cu e sistema ta bon y cu ta sirbi. Pa cuminsa esey no tin. El a bira mas ainda ora cu a haya presentacion di presidente di Conseho Electoral (CE) a hay’e mas ainda.

Tur partido cu ta den parlamento tin representacion den CE. Den e caso aki ta un of ta dos hende a dicidi sin busca participacion.

Por a mira cu no solamente AVP, pero RED tambe a trece dilanti cu no ta sostene ningun cambio pa loke ta kiesverordening. Tambe Daphne Lejuez, miembro di parlamento independiente, a vocifera cu e no ta di acuerdo y no lo ta di acuerdo cu ningun cambio. E tres fraccionnan hunto a compila un carta pa gobernador bisando cu gobierno ta demisionario y no tin confiansa den e proceso cu ta andando.

A acerca Alan Howell di POR y a mustra cu el a vocifera cu e ta contra, sinembargo no a firma e carta. Sneek a indica cu a manda carta pa parlamento cu nan a bay gobernador. Tambe a indica cu lo mand’e pa Conseho di Minister di Reino. Tin 11 parlamentario cu no ta para tras e cambionan aki pasobra no por garantisa cu e cambionan aki cu no lo tacha derecho di e ciudadanonan.

Votacion mester keda democratico y cambio den e proceso di votacion no ta aceptabel.