Diamars atardi polisnan mester a bay cu urgencia den direccion di ex Socotoro Wijk, awo Mexicostraat, pa un problema di famia.E informacion inicial tabata un poco confuso y a pasa diferente adres unda cu niun hende tabata sa di algo di kapmento of intento di kap hende cu machete. Esaki probablemente debi na e cambio den nomber di caya.
E asistencia tabata pa un tata hopi agresivo cu tabata kibrando tur cos den cas. Pero e mas peligroso tabata cu e tabatin machete den man y tabata haci intencion pa cap su famia. Despues di un rato a bin logra haya e cas den Mexicostraat y nan a constata eybou cu e homber mester tabata bou influencia di un of otro substancia.
A detene mesora, confisca e machete cu a haya na e sitio. A constata cu den e cas tabatin yen di cos kibra, mustrando cu polisnan a yega net na tempo pa evita cu algo pio lo por a pasa.E vehiculo policial cu ta transporta detenido a yega na e sitio y despues cu a transporte, e diferente patruyanan a bandona e sitio y a keda solamente un patruya cu a bay combersa paden cu e famia riba e situacion. A splica nan cu mester bay warda pa entrega keho contra e homber, p’asina e proceso por sigui y evita cu e ta haya su libertad mesora.
