Un obra di caridad ta loke e empresario doño di Kamini Restaurant a haci pa e grupo di burico cu ainda tin na Aruba. El a construi un baki special pa pone awa pa e buriconan. Bunita gesto di Kamimi. E ta percura tambe pa haci e bakinan aki limpi regularmente cu cooperacion di Cuerpo di Bombero. Despues di limpiesa ta yena e bakinan aki cu awa.
Manera sa, tin hopi secura na Aruba. Principalmente na San Nicolas por mira buriconan ta yega te unda hendenan ta biba, en busca di awa y cuminda.
Principalmente na entrada di Sero Colorado sa topa hopi cu nan y e ta un atraccion turistico, mirando con bishitante y localnan ta baha pa saca un potret cu nan. Ohala mas ciudadano por coopera pa e poblacion aki di bestia na Aruba no bay perdi.
