Diasabra anochi durante celebracion di halloween, diferente establecimento a haya bishita di autoridad cu un control estricto. Club nocturno 7 West mester a baha tur hende y cera e luga.
Aproximadamente 9:45 pm diferente patruya a yega den e area di westraat na Playa y blokia entrada di e caminda cu ta hiba pa 7 West. Team special cu a hiba control awe nochi, a drenta e establecimento y un rato despues, den careda di 10:00 pm a duna ordo pa cera e luga.
Hopi ta esnan cu no tabata cumpli cu regla vigente di covid-19 y 7 West ta un di nan. Por a observa un gran cantidad di hende bahando trapi tur disfrasa y sorpesa cu ambiente a caba asina tempran.