Diabierna anochi polis a presenta den e area di Santa Cruz 140B n’un iglesia p’un homber agresivo. E tabata grita y comporta su mes malo. Na yegada di polis ya e homber a bandona sitio. No a dura mucho despues cu polis a bandona y a bolbe bati alarma p’e mesun tipo. Na caminda a e iglesia, a topa cu e homber cerca di Colegio San Hose.
A deten’e mesora, parce el a hasta kibra cos den e iglesia. A transport’e pa warda di polis caminda a present’e dilanti un subfiscal. Pa awo, e lo pasa e proximo oranan tras di trali. Ora cu a yega warda di polis, e homber a resisti su detencion formalmente, a carg’e na man cu pia hib’e paden.
