Polis a presenta cu urgencia pa un accidnte cu a tuma luga riba caminda di Sero Blanco , un poco prome cu edificio di APFA. A bin topa un Toyota Yaris blanco (A-33822) cu dos persona herida.
Esaki a sosode den careda di 10:20 am caminda cu polis a mobilisa mesora pa atende cu e situacion. Na yegada a topa cu un di e personanan herida sinta abou riba acera y e otro victima ainda den auto tras di stuur. Ambos tabata keha di basta dolor.
No por a saca afo kico a pone cu a perde control, pero na dado momento e vehiculo a hala den su banda drechi y bay impacta den e palo di luz. E victima na suela tabata keha di basta dolor y segun por a mira, ambos lo a impacta den e windshield.
Dos unidad di ambulance a presenta na sitio pa atende cu e heridonan mientras polis a cera e caminda pa trafico y asina duna espacio pa por traha. Un rato despues a transporta ambos victima pa hospital.