Den un ceremonia di apertura awe mainta, APA conhuntamente cu gobierno di Aruba y KPA a bini hunto pa asina introduci e edificio nobo pa polis maritimo na Aruba como tambe informa tocante e vision cu tin p’e maneho di siguridad di nos fronteranan. Esaki sigur ta algo beneficioso como tambe atractivo pa nos sector turistico.
Asina minister di husticia, Rocco Tjon a splica cu e ekipo di polis maritimo pa hopi tempo caba ta percurando pa hisa e nivel di siguridad na Aruba su fronteranan, a pesar di no tabata padece di un edificio adecua pa eherce esaki. Pa es motibo, ta mira importancia den e inversion aki. Tjon a gradici e ministernan colega cu a forma parti di esaki, esta Minister Presidente mr. Evelyn Wever-Croes, minister di turismo, Dangui Oduber como tambe minister di infrastructura mr. Geoffrey Wever, di cual nan sosten y cooperacion no por a falta den esaki.
Tambe a manda palabra di gradicimento pa Aruba Hotel & Security Foundation, considera como un partner strategico di e proyecto aki. A gradici p’e sosten den e proyecto den su totalidad y pa forma parti di e vision y e plan di maneho pa eleva e siguridad den e areanan turistico na Aruba.
Pa un relato mas amplio lesa edicion di TREMPAN mañan.
