Special Olympic Aruba ta bay presenta un fundraising show. E show ‘ NOS POR ‘ ta un show di baile y canto interpreta pa nos propio atletanan di Special Olympics Aruba.
E show ta un fundraising show pa esnan di SOA por hiba e atletanan e World Summer Games 2019 cual lo tuma luga na Abu Dhabi. E competencia ta riba dianan 14 pa 22 di Maart 2019.
E atletanan lo ta ser acompaña den e show na Aruba pa e grupo di Curacao D’Art. Ta un grupo di baile masha conoci na Curaçao conoci pa nos atletanan. D’Art semper a coopera cu SOA. E show lo tumaluga den Cas di Cultura. E fecha lo ta dia 9 di Juli 2018, pa 7or di anochi. Pueblo di Aruba ta keda invita pa bin wak nos atletanan special actua, canta y baila,manera un profesional. Duna nos atletanan un man pa nan por logra nan meta y soño pa yega Abu Dhabi.