E nomber original di e comision a cuminsa cu Prins Bernhard Cultuurfonds. Prins Bernhard tabata otorga e ZilverenAnjer for di aña 1950 cu el a cuminsa. Despues cu e Prins a fayece na aña 2004, su yiu muhe, Prinses Beatrix a tuma over y a haci esaki te cu aña pasa, pasobra e aña aki e lo no ta presente den Palacio di Amsterdam pa e otorgamento. Motibo pa cual a scoge pa uza Kasteel Amerongen na Utrecht pa e promixo otorgamento programa pa dia 3 di juni. E storia di e kasteel ta data desde aña 1862 y cu varios reconstruccion/renobacion despues.
E nomber di Zilveren Anjer tambe a cambia y awo e yama Cultuurfonds Onderscheiding. Tambe di awo padilanti, e otrogamento pa nos islanan, e Minister Plenipotenciario lo bay otorga e Cultuurfonds Onderscheiding aki di cada isla envolvi y lo scoge un otro luga cada biaha.
Dos aña pasa e historiado Dufi Kock di Aruba a ricibi e honor aki. El a bira e ultimo Rubiano y di Caribe Hulandes pa ricibi e Zilveren Anjer for di man di SAR Prinses Beatrix.
Pa aña ta reconoce tres pa cinco persona cu boluntariamente a contribui cu cultura, etc. di nan pais, sin cobra un cen, pa por lo menos dies aña. Si tin un pareha, e ta conta pa uno, aunke tur dos ta ricibi e honor, door di ta traha hunto den nan proyecto.
![](https://24ora.com/wp-content/uploads/2024/05/image1-3-1227x1440.jpeg)
Esnan cu lo ricibi e Cultuurfonds Onderscheiding dia 3 di juni proximo na Kasteel Amerongen ta:
1. Rose Mary Allen di Corsou
2. Franke Remerie di Hulanda
3. Patrica Tjiook-Liem di Hulanda
4. Gert-Jan en Carla Kramer-Lems di Hulanda
5. Engelen van Amerongen di Hulanda
Rose Mary Allen di Corsou lo ta e unico den Caribe cu lo ricibi e Cultuurfonds Onderscheiding e aña aki.