Ya den oranan laat di diamars atardi e reunion di parlamento cu Minister Glenbert Croes como invitado, a finalisa.
Por bisa cu e mandatario a scapa ya cu mayoria den parlamento a rechasa e mocion di desconfiansa contra dje presenta door di e fraccion di MAS hunto cu AVP. Tabata un poco prome cu 6:30 di atardi cu a yega na stem motivering pa despues pasa pa votacion.
Ora cu analisa e votonan por mira cu e fraccion di RAIZ consistiendo di drs. Misha Raymond y Raymond Kamperveen, den combinacion cu parlamentario independiente Rycond Santos do Nascimento a scapa e mandatario. E votacion a sali 12 voto na fabor y 8 en contra.
Tur e miembronan di coalicion tabata presente. Aunke na momento cu parlamentarionan a haya chens, si nan ta interesa pa splica pakico nan ta vota y di con, por a nota cu e cara di parlamentario drs. Misha Raymond no tabata di “mucho amigos”.
Por bisa awo cu pa di tres bes Glenbert Croes a scapa di un mocion di desconfiansa.