Seleccion di Aruba Taekwondo Associaction tabata den exterior pa algun compromiso. Durante e compromisonan aki, e taekwondistanan a sa di demostra con bon prepara nan tabata y a logra gana cuater medaya.
Teo Rodriguez, head coach di Aruba Taekwondo Association, a splica cu prome biaha nan a sali c’un atleta pa Spaña. Aki nan a prepara pa tres siman pa e clasificatorio olimpico. Despues di Spaña, nan a topa na Republica Dominicana cu tres atleta di e seleccion di cadet junior.
E resultado tabata uno historico p’e seleccion di Aruba Taekwondo Association. E premionan gana tabata oro den junior pa Anabella Fernandez, plata pa Kianna Krosendijk, plata den adulto pa Maelyn Fradl y brons den junior pa Aleysha Macea.
Segun Rodriguez, e siguiente paso ta participa den Weganan Panamericano di Taekwondo cu ta tuma luga na Brasil. Despues di esey nan lo prepara p’e Panamericano Cadet Junior.
Pa mas lesa TREMPAN.COM.