Ta ki ta pasa den cabes di e ciudadanonan aki na Aruba no ta conoci. Echo ta cu cada persona, sea doño of huurdo di e cas, ta responsabel pa e sushinan cu el a recoge. Y cada bes ta nota cu menos responsabel nan kier para pa nan cosnan.
Na Datustraat 14 na Ponton, habitantenan den cercania ta hopi rabia. E personanan cu tabata biba eynan a muda y for di luna di november a laga un cero di saco di sushi atras. For di e tempo ey te cu awo e saconan di sushi ta dorna e bario. Un atraccion e no ta sigur.
![](https://24ora.com/wp-content/uploads/2024/02/CK8A7318-1920x1280.jpg)
Por a tuma nota cu e cas ta na benta tambe.
![](https://24ora.com/wp-content/uploads/2024/02/CK8A7322-960x1440.jpg)
![](https://24ora.com/wp-content/uploads/2024/02/CK8A7323-960x1440.jpg)
Aunke esaki no ta loke normalmente Bureau City Inspector lo haci, pero e bario ta haci un apelacion riba nan. Kisas na final hasta por manda e cobransa pa doño di e caso. Pasobra nan no por biba cu e mahos bista aki mas.
![](https://24ora.com/wp-content/uploads/2024/02/CK8A7318-1920x1280.jpg)
![](https://24ora.com/wp-content/uploads/2024/02/CK8A7321-1920x1280.jpg)
![](https://24ora.com/wp-content/uploads/2024/02/CK8A7324-1920x1280.jpg)