Diamars mainta, durante un conferencia di prensa, Oficina Central di Estadistica (CBS) a anuncia comienso di nan encuesta Income & Expenditure Survey2023-2024.
Es decir, Oficina Central di Estadistica kier sa entrada y gasto di cada ciudadano di nos pais. Desiree Helder, Director Interino di Oficina Central di Estadistica a indica cu ya pa diaranson lo tin binti encuestado riba veld pa haci e trabou aki.
![](https://24ora.com/wp-content/uploads/2023/11/674A0013-1.jpg)
![](https://24ora.com/wp-content/uploads/2023/11/674A0012-1.jpg)
Helder a sigui bisa cu e encuesta aki ta wordo haci cada cinco pa seis aña pa sa di e entrada- y gastonan di cada hogar. E ta un encuesta hopi importante pa asina CBS pro haya e informacion pa p.e. nan por tuma prijsnan di cierto producto (cambio di prijs) pa haci esaki na e manera debido.
![](https://24ora.com/wp-content/uploads/2023/11/674A00111.jpg)
Ta importante pa ora e prijs wordo tuma, ta e prijs di e productonan cu e ciudadano di cada hogar ta cumpra riba nos isla. Esaki t’e motibo tambe pa cual ta puntra cada hogar di kico ta e productonan cu nan ta cumpra na producto den un supermercado, for di paña te cu producto pa un vehiculo di motor.
![](https://24ora.com/wp-content/uploads/2023/11/674A0099-1920x1280.jpg)
E informacion aki ta pas’e p’e departamento di CPI e informacion suficiente pa nan por wak kico na Aruba ta loke e hogarnan ta cumpra pa nan por haci e prijswaarneming lo miho posibel. Esey ta un di e metanan di e encuesta.
Pa mas lesa TREMPAN.