No ta desde awo Arubaanse Voetbal Bond (AVB) ta buscando manera pa mas mucha muhe pa hunga futbol. P’esey awo hunto cu IBiSA ta traha pa por promove futbol entre e muchanan muhe. Ta haci esey cu programa escolar.
Mildred Wever, miembro di directiva di AVB, ta traha na Instituto Biba Saludabel y Activo (IBiSA) y e mes ta encarga pa haci esey. El a splica cu na IBiSA tin futbol escolar. AVB ta traha hunto cu IBiSA pa asina haya mas futbolista door di scol. E ta kere cu e idea bon cu e ta traha na IBiSA y forma parti di AVB, ta haci cu por haya e muchanan.
Actualmente IBiSA tin futbol escolar di nuebe te cu diesdos aña den scol basico y tin e chikitinnan. E ta di pensamento cu nan ta den bon caminda, unda cu lo tin futbol femenino pa rato na Aruba.
Desde cu Dyane Wiersma, coordinador di futbol femenino di AVB, a cuminsa cu e federacion di futbol, el a bin ta bisa cu mester cuminsa haci futbol cu e scolnan. E ta kere cu mester cuminsa haci competencia a base di scol. Un ehempel cu el a duna ta invita binti scol, duna nan uniform y laga nan cuminsa train. Asina ey e clubnan por cuminsa recluta mucha pa haya mas mucha muhe.
Ainda ta dificil pa mayornan acepta esaki, el a indica. E ta kere cu si bay via scol, e ta un tiki mas facil pa haya nan.
Pa mas lesa TREMPAN.COM.