Diahuebs, dia 25 di augustus 2022, gemeente Amsterdam lo ricibi un grupo nobo di studiante fo’i Corsou, Aruba, Boneiro, Sint Maarten, Saba y Sint Eustatius. E actividad di bonbini lo tuma luga n’e gemeentehuis bao di direccion di Hester van Buren.
Ya ta e di 11 biaha cu e recepcion aki ta tuma luga e aña aki y ta un bunita tradicion di cual Amsterdam ta sinti orguyoso. E ciudad kier destaca e vinculo special cu e parti Caribeño di Reino.
PROGRAMA
E hobennan por spera un programa di bonbini dia 25 di augustus den e sala di conseho (raadzaal) di e gemeente. E studiantenan tambe por bishita un mercado di informacion e atardi ey.
Varios organisacion educativo y di guia lo ofrece informacion riba bida, estudio y vivienda na Amsterdam.
HENDE TA HACI E CIUDAD
E comite ehecutivo di e gemeente ta spera cu e studiantenan haya nan rumbo y contribui na loke ta haci di Amsterdam un ciudad asina grandi. Ta bunita ricibi algo di e ciudad, pero ta mas bunita ainda duna algo bek. Ta e hendenan ta haci e ciudad loke e ta: un luga caminda tur hende por sinti nan mes na cas y kier biba aden.
Gemeente Amsterdam ta organisa e bonbini oficial aki desde 2011. Cu e encuentro, gemeente ta spera di duna e hobennan cu a bin Hulanda pa studia, un bon comienso.