Manera ta conoci, investigacion y detencion a tuma luga den e caso di asesinato na Brazil. Awe mainta un biaha mas recherchenan a presenta na e adres na Olijfistraat y asina confisca un vehiculo na sitio.
Relaciona cu e caso, durante entrada hudicial a detene sospechoso Pascual Brown den oranan di marduga, recherche di San Nicolas a haci un entrada hudicial na un apartamento den Olijfistraat, relaciona cu e asinato cu a tuma luga na Brazil.
A detene e homber Pascual A.Brown, naci na Aruba, di 22 aña di edad.
Anochi di e crimen, inicialmente testigonan a duna di conoce cu nan a mira un auto preto pasa dilanti di e cas y los un tiro. Mas laat a haya version inoficial cu polis tabata den buskeda di un vehiculo marca Nissan, modelo March tipo RHD (stuurwiel na banda drechi) cu no tin glas getint, pero no a por a specifica kico color e auto mes ta. Tambe a duna seña di e chauffeur como un persona hoben color bruin cla cu un pechi color preto bisti.
Den imagen por tuma nota cu ta trata di e vehiculo cu testigonan a indica. A pidi takelwagen pa asina transporta e vehiculo pa continua cu e investigacion.