Un carta firma door di sindicatonan SEPPA, TOPA, SADA, SPA y SIMAR ta duna Gobierno te cu diaranson, 26 di juni, pa duna un contesta di nan posicion riba e tema di indexering.
Den un carta unda por lesa entre lineanan cu e pasenshi di e sindicatonan ta cabando, ta wordo bisa cu e problemanan cu Gobierno tin no ta causa door di e trahadonan pa cual nan no por bay para responsabel pa esakinan.
Nan ta menciona cu ta hopi biaha a reuni cu Gobierno ultimo tempo riba indexering di 2018 y e comision cu mester wordo instala pa atende cu e tema aki den futuro.
Den e carta nan ta mustra nan decepcion pasobra despues di e reunion di dialuna ultimo no por a conclui otro cu Gobierno no ta mustra disponibilidad pa negocia den forma serio riba compensacion pa perdida di poder di compra di empleadonan publico den 2018. “Esaki nos ta lamenta profundamente.”
Loading...
Reload document 
Open in new tab Nan conclusion tambe ta cu e unico cos cu Gobierno ta trata di haci ta pa convence sindicatonan pa pospone e tema di indexering y soluciona di e forma aki “e problema cu Gobierno mes a forma pa nan mes”. Sindicatonan no ta convenci cu expresionnan manera “no tin espacio pa indexering”. Esaki nan ta considera un argumento di tur dia, y si esey ta e caso mes, e ta culpa di Gobierno, y pa cual nan tin cu busca e solucion. Tur esaki ta mustra con fuerte e sindicatonan ta para hunto den nan demanda pa indexering pa nan miembronan. Asina ta bisa cu Gobierno mes a scoge pa mara nan mes na diferente acuerdo pa loke ta finanza publico, sin cu a consulta of envolvi e sindicatonan of partnernan social. “Pa awo di repente spera cu e sindicatonan ta bay soluciona e “problema” aki of mustra un comprension total, y laga su miembronan un banda, ta algo cu no por spera di nan.
Debi na henter e situacion aki y prome cu nan sigui cu otro accionnan, nan ta duna Gobierno un biaha mas e chens pa trata e tema aki di un forma serio y cu e respet cu e empleadonan publico merece. Den cuadro di esaki a duna Gobierno te cu 26 di juni awo pa manda nan un contra proposicion por escrito, riba e tema di indexering 2018 y e comision cu mester wordo instala. Si no haya contesta satisfactorio, lo consulta cu nan miembronan riba otro pasonan cu ta bay tuma.
