Diadomingo marduga pasa di 5or, un partuya coriendo na altura di OK Supermarket na Tanki Leendert a wordo para pa un grupo di persona banda di caminda. E patruya a bin constata cu tin un persona drumi ariba vloer cu varios hinca. A notifica ambulance mesora. Personal di ambulance cu a yega na e sitio a purba reanima e persona (Masculino) pero envano. Dokter C. Texier a constata morto pa 6:05 di e víctima. Riba ordo di Fiscal Kardol a tuma e curpa den beslag pendiente mas investigacion. Te cu mainta Polisnan a keda investiga na e sitio. Testigonan a bisa cu lo ta trata di tres pa cuater hende cu tabata bringa cu e victima y nan a hink’e Mata. Polis a haya indicacion den ki direccion e sospechosonan a bay. Asina a bay abou nan tras y ta haya tres sospechoso banda di Pencro. A detene tur tres pa mira si ta nan mes a comete e acto. Ta wordo menciona cu tin un homber mas fam T cu lo a huy den un auto cu tambe ta conoci pa Polis cu a yega na e sitio. Un otro auto probablemente di e víctima a wordo tuma den beslag. Pas na su restonan y forsa na e Famia. E nomber menciona cu a fayece ta Chini Tse Mora nací 19 oktober 1977 naci na Republica Dominicana.
