E barco di Marina Hulandes Zr.Ms. Groningen pa di cuater biaha a intercepta den un tempo cortico un transporte di droga. Den Lama Caribe e barco patruyero a sabi di pone cu un boto di droga ‘go fast’ mester a stop, esaki tabatin na bordo 4 pasahero. E barco a intercepta den esaki mas cu 3000 kilo di cocaina. E captura tabata riba 31 di mei, pero a keda anuncia awe.
Den marduga di diahuebs 30 pa bay diabierna 31 di mei, e avion patruyero Dash-8 y Wardacosta Region Caribe a capta un boto di droga go-fast den Lama Caribe cerca di islanan ABC. Zr.Ms. Groningen na e momentonan ey ya caba tabata den cercania i a drenta accion mes ora. E barco di Marina a cuminsa persigui cu yudansa di su dos navenan di intercepcion rapido FRISC. Riba e navenan di intercepcion aki tabatin ‘Fleet Marine Squadron’ y Wardacosta Mericano. Despues di un persecucion, sostene pa e Dash-8, e avion patruyero, tabata posibel pa intercepta e boto di droga aki. E cuater contrabandistanan, ademas di e 3000 kilo di cocaina cu a keda confisca, ta pasa pa Wardacosta Mericano.
Mas droga confisca
Durante e accion anti-droga di Zr.Ms. Groningen di 4 di juni ultimo, e barco patruyero den cooperacion cu e nave di sosten Zr.Ms. Pelikaan tambe a confisca droga. E barconan di Marina hunto a saca tanto e paketenan di marihuana como e paketenan di cocaina for di lama. Tambe e droganan aki a keda confisca y pasa pa Wardacosta Mericano. E droga a keda destrui.
Barco Patruyero
Cu e dos intercepcionnan aki e conteo a yega un biaha mas pa Zr.Ms Groningen riba 5 transporte di droga desde su presencia, for di cuminsamento di april 2024, den Region Caribe . E barco entre otro ta keda desplega pa e operacionnan contra transporte ilicito di droga. Esaki ta sosode intercambiando den cooperacion cu Wardacosta Mericano. Y Wardacosta Region Caribe Hulandes.
