Miles, e yiu homber di 24 aña di e cantante Mericano, Lionel Richie, den fin di siman cu a pasa, tabta den basta problema.
El a wordo gara na e aeropuerto di Heathrow na London, despues cu el a menasa den un di e terminalnan cu un bom. Segun polis, riba diasabra, a detene un homber di 24 aña pa a dun bommelding falso y di violencia.
Miles, kende ta activo como modelo, lo a wordo nenga ora cu e kier a subi avion. El a rabia y a indica despues di esey, cu e lo tin un bom den su tas y cu e lo lag’e explota si e no por sigui su destino.
Ora cu siguridad di aeropuerto a bin aden, Miles lo mester a bira agresivo y a logra dal un di e hombernan.
A pone polis na altura a interveni y a detne. Pero e lo a haya solamente un advertencia y despues nan a lage bay, segun e website di entretenimento Mericano, TMZ.Miles mes no a responde na e incidente. Tampoco su tata famoso.
