Juni ta e luna unda ta organisa evento pa conscientisa comunidad riba derecho di esnan cu ta forma parti di e comunidad LGBTQ+. Pa finalisa e temporada, tin e Aruba Pride Event cu lo tuma luga diasabra awo den The Venue.
E evento aki cu ta tuma luga pa di cuater biaha, ta den man di Edison Garcia di Aruba Gay Guide. Riba e anochi aki lo tin diferente show manera di e Drag Queen, presentacion di GoGo Dancers y musica ta den man di e grupo Tsunami. Pero durante henter e anochi lo tin presentacion di diferente DJ, manera DJ Vibe y DJ Nico Verploeg.
E tipo di fiestanan aki ta importante, segun Garcia, pa brinda union na e comunidad. Mas pasobra ta masha poco evento manera esaki sa tin na Aruba pa hunto celebra diversidad.
The Venue lo ta parti den dos seccion di cual uno ta VIP y e otro ta general. Pa mas detaye tuma contacto cu: 7430697. E evento ta habri pa tur hende y no solamente pa comunidad gay.
Por cumpra carchi na pay.aw y D-Shop.
