Por lo menos un tipo a kere cu ta “asina asina” por bypass di autoridad na Aruba. Diamars atardi personal di Aduana staciona na Aeropuerto Internacional Reina Beatrix a canta bingo, ora cu a topa cu un cantidad grandi di placa den maleta di un pasahero hoben. Den su maleta a topa cu; mas di 15 mil euro cash y mas di 10 mil dollar cash, segun informacion ricibi.
E duaneronan a pasa basta rato ta conta placa den aeropuerto. Comosifuera poco, Yecid Marin Tores tabatin boshi placa di Turkia riba dje tambe. El a kere ta asina facil pa drenta cu boshi placa Aruba sin cu autoridad ta capt’e.
Afpakteam di polis a presenta na aeropuerto y a confisca tanto e maletanan como tambe e placa. Na warda di recherche na Wayaca e proceso di interogacion lo sigui. No ta prome biaha cu tiponan asina ta purba burla di autoridad, diamars atardi un biaha mas a demostra cu; “faya bo haya.”
