Pa dos dia, Wit Gele Kruis a tene un charla tocante salud mental hunto cu su partnernan cu cual e ta traha hunto pa varios aña.
P’e charla aki nan a invita dos colega di Corsou, cu ta profesional riba e tereno LVB’er, cu ta un persona cu su IQ ta hopi abou, por ehempel 64 of mas abou, cual por duna problema di conducta. Gino Goeloe, director di Wit Gele Kruis, a indica cu esey ta algo cu nan a ripara, vooral den e ‘mamanan jong’, cual ta un problema grandi na Aruba, tanto pa WGK como tambe pa e otro instancianan.
Nan a haci un peticion pa donacion na Superfood, cual nan a haya tambe, pa un suma di 25 mil florin, cu nan por uza den training. Nan a haci uzo di e parti aki pa duna training hunto cu diferente instancia, pa asina por profesionalisa mas hende riba tereno di LVB. E ultimo aki ta algo cu no ta visibel, pero ora cu bo bay papia cu e hendenan aki, bo por ripara cu tin cierto materia cu nan no ta compronde door cu nan tin un IQ abou. Esaki ta trece discusion, problema y agresividad. Awo a trece dos persona cu ta dedica na e malesa aki na Corsou, ya cu nan ta personanan super profesional.
Den e charla aki a participa 15 persona, di diferente instancia manera Sociale Zaken, Reclassering etc. WGK a wak e necesidad di sigui educa nos hendenan, no solamente na WGK, pero tambe na nan partnernan, manera Slachtofferhulp cu ta un partner hopi esencial.
Pa dos dia e personanan aki a bin hunto, pa ricibi un training cu tabata hopi intensivo, pero si nan a ricibi hopi bon herment cu nan por traha cu e clientenan aki.
