Cu e temporada di horcan den full swing, Aruba ta implementando medida preventivo n’e posibel caida di biento y e aumento di e consumo debi n’e calor extremo. Tambe nos ta teniendo cuenta cu un mal tempo ta acercando, cual ta Tormenta Tropical Beryl,cu ta pronostica pa converti den un horcan den e proximo dianan cu su paso den Caribe. Segun pronostico tambe, e lo pasa panort di Aruba, sin tin un impacto directo cu nos isla.
WEB Aruba N.V. ta alerta y ta monitor di cerca e situacion, mientras algun unidad ainda no ta prepara pa genera e 20 megawatt adicional cu por ta necesario pa genera coriente.
Ta crucial cu tur e consumidornan ta consciente di nan uzo di energia n’e momentonan aki, WEB a indica. Cu algun unidad di mantencion, WEB a activa su turbina di gas pa sigura u suministro stabiel. Fuera di esaki, si ta necesario, ta haci un apelacion n’e usuarionan grandi pa reduci nan consumo si e demanda ta rekeri.
Ta anticipa cu e unidadnan di mantencion ta operativo bek den a aproximadamente dos siman fortaleciendo asina e capacidad disponibel net na tempo p’e temporada di horcan. WEB ta pidi pa tur usuario adopta e medidanan di consevacion di coriente durante e periodo aki.
E colaboracio di tur e ciudadanonan lo ta clave pa garantisa un suministro di coriente stabiel y sigur na Aruba.
