Diaranson tabata un dia hopi importante p’e compania di utilidad WEB N.V.. Esaki ta bini door cu WEB N.V. a firma un acuerdo cu e compania Acceleron. WEB N.V. a firma un contract cu Acceleron p’un temporada largo.
Minister di Energia, Glenbert Croes, a indica cu e tabata presente n’e firmamento pa mustra su apoyo na e iniciativa entre WEB y Acceleron. E compania aki ta uno cu a nace for di e Multinacional ABB, unda cu na Aruba nan ta habri un facilidad. E profesionalnan di WEB a bay eynan pa haci cierto trabou. Esey lo yuda enormemente na WEB su compromiso cu comunidad den brinda un servicio continuo y confiabel den suministro di e productonan den e produccion di WEB di awa y electricidad.
E mandatario a resalta cu pa prome bes den Caribe cu un facilidad asina ta estableci na un isla. Aruba ta e prome den Caribe cu Acceleron a deposita nan confiansa aden y e profesionalnan. Croes a sigui indica cu hunto por asisti, traha hunto y reaccion lihe ora tin un problema.
Durante e firmamento, segun Croes, e director di WEB a bay riba e echo cu pa basta dia e cosnan ta draai y comunidad tin coriente como awa. ELMAR tin su desafionan. E interes pa Minister di Energia ta con ta percura p’e suministronan na comunidad keda confiabel y continuo pa coriente ni awa tin hopi problema, specialmente coriente ta e problema. E economia no por para pa haya su suministro.
ing. Alfredo Koolman, director di WEB N.V., a indica cu e momento aki tabata uno di hopi importante den e manera con nan ta traha na WEB, e manera con nan ta mantene e motornan. Den pasado nan tabata depende pa manda piesa Merca, pero awe ta haya un caminda pa un partner hopi importante pa mantencion di componente critico di e motornan.
Ta trata di ABB, cu awendia ta Acceleron, y ta un di e prome luganan den Caribe unda cu por conta cu nan servicio aki na Aruba cu nan expertonan pa traha riba e turbo chargnan di forma cu ta trece e duracion di mantencion mas abou posibel. Y di forma cu nan tin e motornan disponibel pa por produci coriente p’e pais.
Pa mas lesa TREMPAN.COM.
