Diaranson anochi a tuma luga un ceremonia special n’e sede di Comite Olimpico Arubano. Aki ta caminda cu a tuma despedida di e atleta- y e comision cu lo bay representa Aruba den Weganan Olimpico na Paris. E tabata un momento di apertura di inaugura nan uniform nobo, nan pin y e ‘billboard’ parti pafo di nan sede.
E biaha aki seis atleta lo saca cara di Aruba. Den landamento Mikel Schreuders y Chloe Farro. Den BMX Racing Shanayah Howell, den pistol Philip Elhage y sailing Ethan Westera y Just van Aanholt. Cuater hende homber y dos hende muhe.
E ‘billboard’ semper ta conoce un update ora ta bay competi den e weganan internacional. E delegacion ta conta cu diesshete profesional. E uniform nobo cu a revela ta pa e proximo e weganan internacional entre 2024-2028.
Tin un grupo ta sali for di 14 di juli padilanti. E ceremonia mes lo cuminsa 26 di juli proximo. E Weganan Olimpico ta e evento di deporte mas grandi na mundo. E trabou tabata duro pero a logra. Tin diferente factor cu ta contribiu n’e exito di e atleta.
