Hopi sorprendi Carlos Infante a keda ora cu diferente persona a yega cerca dje y felicit’e pa loke el a haci. Despues su coleganan a puntr’e si el a mira e storia riba 24ora y eynan el a cuminsa realisa di kico tur hende ta papiando.
Tabata siman pasa cu Carlos Infante, laborando como waiter na Dushi Burger & Bagels, a topa cu e pareha Sicignano, kende riba e pagina All Things Aruba a conta un experiencia bunita cu el a pasa aden ora cu e tabata hopi desespera.
Pa nan por come trankil, despues di tur e problema cu a confronta cu no por a biaha bay Merca e dia ey, Infante a tuma nan baby pa cana rond cu ne y permiti nan come den tur trankilidad.
