Fundacion VOZ-I-LANDIA Escolar (VILE) cu su cede na O.L.V. van Fatima College kier informa pueblo di Aruba y tur scolnan basico cu despues di e exitoso VOZ-I-LANDIA Escolar di aña 2015, nos ta den ful preparacion pa e gran festival di voz y cancion pa aña 2019.
Tur scol basico ta wordo invita pa participa cu su alumnonan den e respectiva categorianan pa e festival. E festival ta parti den 2 categoria cualnan ta categoria A cu ta pa muchanan di 7 pa 9 aña y categoria B cu ta pa muchanan di 10 pa 13 aña .
Fechanan pa prefinal tentative ta:
Categoria A 14 april 2019 na Cas di Cultura.
Categoria B 19 mei 2019 na Cas di Cultura.
Final Categoria A y B 23 juni 2019.
Fundacion VOZ-I-LANDIA Escolar pa medio di e festival aki ta duna su contribucion pa asina engrandece nos cultura musical cu cancion pa mucha na Papiamento.
Comishon Vozilandia ta trahando duro pa e tremendo festival y no por keda sin gradici tur
compositor y areglista cu ta coopera cu nos muchanan y cu a compone y aregla e cancionnan na Papiamento completamente nobo.
Fundacion Voz-i-Landia ta un non-profit organisacion y door di e esey nos ta aserca compania pa duna nan aporte pa asina nos por organisa e festival aki. Pa cu esey nos kier duna un danki grandi na tur Compania y Instancia cu ta juda nos pa por hasi e Festival Vozilandia Escolar posibel.
Pa loke ta e caarchinan nos por menciona cu tur scol participante ta ricibi nan carchinan y
por haya carchi obtenibel na O.L.V. van Fatima College.
Danki un biaha mas na tur nos sponsernan cu ta yuda nos y sin lubida e team tras di cortina cu ta hasi e festival aki posibel. Tambe nos coro dirigi pa Maybeline Arends – Croes cu semper ta dedica tempo pa tur miembro di hurado ricibi tur material necesario pa por ejerce nan trabao bon como hurado.
Nos ta invita Aruba completo pa e tremendo Festival di Vozilandia 2017.Pa mas informacion por tuma contacto cu fundacion na 5822037 of e-mail na [email protected].
