Garage Centraal ta saca un ganado nobo un biaha mas. Awe diabierna den oranan di mainta un biaha mas a tuma luga sorteo di un UTV. Den presencia di Notario Ralph Yarzagaray, gerente di mercadeo Rodney Kock como tambe e damita cu e man inocente a saca un otro feliz ganado di un UTV nobo nobo.
Tur cliente di Garage Centraal cu a cumpra un vehiculo nobo den luna di september por a participa den e campaña aki y bin na remarc’e pa gana e premio grandi di Garage Centraal. For di e tombola a saca un otro ganado cu lo bay difruta di e premio aki.
Despues di draai e tombola a saca un ganado, cu a keda den nomber di Viviolini Croes y cu a keda registra door di Notario Yarzagaray pa asina e por reclama su premio. Gerente di mercadeo lo tuma contacto cu e ganado pa asina informe di e tremendo noticia aki. Adicional Garage Centraal a informa cu pa e proximo sorteo lo rifa un UTV cu cuater asiento e biaha aki, cu lo ta un premio excepcional y sigur lo haci un persona hopi feliz cu e premio aki.
Palabra di pabien na e ganado di e luna aki y un invitacion na demas clientenan pa participa pa asina por tin chens di gana e tremendo premio aki.
