Tabata algun minuut prome cu 6.30pm caminda cu famia a bati alarma pa un miembro di cas cu ta keha di basta dolor na pia.
Mesora Polis a dirigi su mes na e dicho cas den Tanki Leendert caminda cu bin topa cu un homber di edad halto ta keha di dolor na su pia. El a conta cu mas tempran na Ponton, un auto a dal’e y sigui core.
E tabata ariba bicicleta, parce na e pedal ta unda cu e auto a dal y sigui core. Ta un grupo di amigo a topa cun’e y a dun’e un lift pa cas, na cas despues di basta rato el a bati alarma.
Ambulance a transport’e pa Hospital pa asistencia medico avansa. Presencia di Polis di trafico tambe tabata necesario pa tuma datonan necesario di e caso. Ta awe e victima a cobra pensioen y el tabata direccion di Botica.
