Diamars atardi alrededor di 5:30 pm a sosode un accidente riba e caminda di Camacuri pa Sabana Berde, pa ta exacto net dilant’i Pricesmart. Aki ta caminda cu tres auto tabata envolvi den e accidente aki. Dos ta marca Hyundai y un ta BMW. Por lo menos un di e autonan aki ainda ta hole fabrica, e ta nobo nobo, tipo electronico.
Claro, e motibo principal di e accidente aki ta pa falta di preferencia. Ken tabata biniendo for di cua direccion, ainda no ta conoci. Dos persona a resulta herida, pa cual ambulance a transporta ambos pa hospital pa ricibi atencion medico avansa.
Daño material tabata basta. Mientras e polisnan di districto di Oranjestad a cera caminda, e specialista di trafico a mantene su mes ocupa cu e proceso pa documenta e accidente aki.