Diabierna merdia un cantidad di turista y local a dura mas den nan trip cu e Tram dobel piso. Den Weststraat yegando casi na final di e recorido, un van tabata mal para.
E tabata stroba e Tram di pasa. Ni maske a zona e bel di e tram varios biaha, toch e chauffeur no a presenta. A busca rond den e negoshinan eybanda y tampoco e chauffeur a aparece. Ta un compania cu parce ta drecha airco y su trahadonan a para e van malo.
A scoge di para un caminda unda no mag y cu no ta paga pa parkeer. Finalmente e conductornan di tram a yama e number di e compania pa avisa esunnan responsabel pa move e van pa e tram por sigui. No ta prome biaha cu e autonan mal para ta stagna trafico ora e Tram no por sigui su caminda.
