Tema di eleccion di Hulanda ya caba tin un prognose cu ta papiando cu e partido mas grandi lo ta e partido Geert Wilders, PVV. Aworaki e relacion di Aruba cu Hulanda no ta den su miho momentonan y ta sinti cu e postura di duna un schouder friu na Hulanda lo yuda cu un partner of eventualmente un coalicion cu ta mas rechts cu loke tabata antes.
Cu e pechi di lider di RAIZ, Minister Ursell Arends, a comenta cu e resultado di eleccion ta democracia. Pueblo di Hulanda a sali pa sostene y democraticamente a scoge e lidernan cu nan kier mira pa nan comunidad. Aworaki e otro paso di democracia ta pa e formacion por tuma luga pa por haya sa ken ta bay bira e siguiente gabinete.
RAIZ ta dispuesto semper pa traha cu tur hende a base di respet mutuo. Ta sinti cu no necesariamente pasobra tabatin discusion andando pa loke ta trata e debe cu Aruba tin cu Hulanda ta nifica cu esunnan cu bin na mando mester tuma un postura contrario p’e relacion den reino.
RAIZ ta dispuesto pa traha y mehora posicion den reino y mas cu tur cos mester ta basa riba respet mutuo. Esey ta loke RAIZ ta boga p’e. Cu cambio di e gabinete of si bin un gabinete nobo si bin un coalicion nobo, lo sa di comunica cu esaki y dialoga unda por tin mehoracion den e relacion den reino y atende cu esaki.
Pa mas detaye lesa TREMPAN.
