A pidi presencia di polis como di ambulance pa un accidente cu a tuma luga na Noord. Un persona a resulta herida despues cu e autonan aki a bay dal den otro riba e rotonde di Boegoeroei.
E suceso a tuma luga den careda di 9:45 pm y tabata entre un Kia Rio y un Ford ambos color shinishi. Na yegada a bin topa cu tur dos auto hala un banda, un di nan e porta no tabata ni habri mas.
E impacto tabata basta fuerte mirando cu un persona a resulta herida. Un rato despues e ambulance a presenta pa transport’e pa hospital caminda e lo haya atencion necesario.
