Pa mas of menos 2:00 pm, a drenta informacion di un accidente cu a tuma luga den Rooi Frances caminda un persona a resulta herida.
Polis y ambulance a bay n’e sitio, mirando cu e auto a bolter cu e consecuencia ya menciona.
Den e birada, unda cu tin un zijwg di santo, direccion Rooi Taki por a topa cu un Ford Edge colo preto riba su dak band’i caminda.
N’e sitio a bin resulta cu e accidente mes a tuma luga un ora prome. Aparentemente e Ford Edge tabata yegando na e birada direccion Santa Cruz. Sinembargo n’e birada el a baha fo’i caminda, a slip y a perde control rib’e santo, consecuentemente bolter te na otro band’i caminda.
Despues di un ora, e chauffeur a cuminsa sinti dolor na su brasa. P’e motibo aki mes a pidi pa ambulance bin na e sitio. A samin’e den ambulance, por no a mira motibo pa hib’e hospital. Polis di trafico tabata n’e sitio pa sina haci su investigacionnan. Mientras tanto un takelwagen a bin pa saca e auto for di e luga. Daño causa tabata considerabel.
