Den e dianan aki mi tabata tin combersacion cu hopi Arubianonan prominente ariba diferente terenonan y hopi di nan ta pensa mescos cu mi, esta cambia e Status Aparte pa un Municipio di Hulanda lo combuni nos pais.
Tur esnan cu a hiba e lucha di Status Aparte o separacion for di Antiyanan Hulandes, cu na final tabata un logro di Betico Croes dfm, lo ta di acuerdo cu Aruba lo bira un municipio di Hulanda mescos cu ta e caso di Bonairo. Nos a lucha pa ta para ariba nos propio pianan, separa di Corsow cu tabata tin nos domina. E pueblo di Bonairo a haci e e mihor escohencia, awe den e crisis nan no mester cai na rudia pa Hulanda yuda nan, pero nan ta ser considera parti di Hulanda, ricibiendo tur e beneficionan cu Hulanda ta ofrece su habitantenan, den e momento di crisis cu mundo ta pasando aden.
Si bo analisa bon cu Aruba for di di hopi añanan ta bow control di Hulanda, esta e parti financiero cu ta duna un pais su derecho igual den reino, ya no ta existi mas, pero ta ser controla severamente door di madre patria, esta Hulanda. Awe den e crisis ta Hulanda ta esun cu ta awor ta yudando nos pais, tanto financieramente, cu vigiliancia di nos costanan, cu profesionalnan den cuido etc. ARIBA TUR COS HULANDA TA PROTEHA NOS CONTRA PAISNAN DEN NOS CERCANIA CU TA CLA PA DECLARA NOS PARTI DI NAN PATRIA.
Kiko ta nifica un Municipio(Gemeente)?
Aruba lo bai cai directamente bow un di e provencianan di Hulanda.
Aruba lo keda cu su himno y bandera.
Aruba lo ser controla door di Hulanda cu dereroche di placa lo no sigui tuma lugar door di politiconan haragan pa poder y ariba tur cos enrikese nan mes. Overbruggingstoelage cobra pa tur politiconan cu tabata den Staten o den Gobierno, despues di Status Aparte, sumanan miyonario, tambe areglo di pensioen haltisimo. Hopi ta e politiconan cu a gana LOTTO MIYONARIO.
Nos lo haya un burgermeester y diputadonan.
Nos tin derecho pa escohe nos propio Gobernantenan y ariba dje nos por vota pa eligi miembronan di Eerste y Tweede kamer di Hulanda.
Nos ta keda cu nos Banco Central y nos propio moneda, ariba esaki nada lo cambia.
Kiko mas nos ta desea, un isla asina chikito, pero cu nos ricibi e mes un beneficionan cu cualkier Hulandes Europeo tin derecho ariba dje.
Lo tarda, pero asina cu nan descubri un medicina pa cura e virus, Aruba lo bira atrobe e atracion number uno den Caribe, manera el a ser considera den e ultimo decadanan.
Nos pais, lo bira un isla, pero cu garantianan grandi di por para ariba nos pia ariba un base solido, cu beneficionan grandi pa comercio.
Nos por traha ariba diversificacion di nos economia ariba diferente terenonan. Hulandesnan miyonario lo bin inverti den nos pais, NO AWOR CU MAYORIA DI PROYECTONAN TA DEN MAN DI LATINONAN. TUR E HOTELNAN CU A SER CONSTRUI Y CU TA DEN CONSTRCUCION, MESCOS CU CONDOMINIUNAN TA DEN MAN DI LATINONAN CU A INVERTI DEN NAN. ESAKI LO CAMBIA PA HULANDESNAN/EUROPEONAN MIYONARIO.
Ta tempo pa hobennan bon studia, bon prepara, pensa ariba e posibilidad aki, pa asina garantiza nos futuro generacion un futuro prospero, sin un cantidad di fabornan politico, provecho personal, corupcion y traha pa nan propio saco enbez pa interes general di nos pais.
Esnan interesa por tuma contacto cu mi na e-mail:[email protected].
Mester bin cu coleccion di firma pa nos exigi un referendum. Conhunto nos lo logra y garantiza nos pais un futuro prospero.
