Patruya di Playa a presenta den Dominicanessestraat pa atende cu un situacion, cu por poco a bay for di man, na momento cu un adicto a cende un bari na candela.
Esaki a pasa den careda di 10:45 am banda di Rosario College na Playa. Personal di City Inspector den nan trabou di limpiesa, a recoge tur pertenencia di un adicto conoci den area, esta Mexi Lont, y cu a pone cu el a bira furioso y reacciona den forma sopresivo.
El a bula den baki pickup y cende un bari cu su pertenencianan aden na candela. A reacciona mesora pa asina busca manera pa paga esaki y asina evita cu e causa mas daño na e vehiculo.
Mientrastanto Mexi a bandona sitio pero no a yega mucho leu. Un poco mas pabou, den Emmastraat dilanti Kowloon Restaurant a bin topa cu ne y patruya a para, a baha y deten’e mesora. No por a keda afo e grito y insultonan cu mester a scucha di parti Mexi. Un rato despues e transporte di polis a yega y nan a hib’e warda di Playa.
![](https://24ora.com/wp-content/uploads/2022/02/20220211_111515-1920x1080.jpg)
![](https://24ora.com/wp-content/uploads/2022/02/20220211_110629-1920x1080.jpg)
![](https://24ora.com/wp-content/uploads/2022/02/20220211_105547-1920x1080.jpg)
![](https://24ora.com/wp-content/uploads/2022/02/20220211_105512-1920x1080.jpg)
![](https://24ora.com/wp-content/uploads/2022/02/20220211_105505-1920x1080.jpg)
![](https://24ora.com/wp-content/uploads/2022/02/20220211_105354-1920x1080.jpg)