Diamars atardi, algo pasa di 4:45 pm a sosode un accidente fuerte den Caya Ernesto Harms, caminda cu tabata tin dos auto envolvi.
Ta trata di un un Toyota Tercel blanco, cu number A-10355, maneha pa un cabayero local y un Suzuki color blanco, number V-4455, maneha pa un cabayero cu ta di bishita riba nos isla. Na final, por bisa cu e daño material toch tabata basta pero e importante tabata cu niun persona a resulta herida.
Pero un biaha mas, e falta di preferencia ta hunga un rol grandi den e cantidad di accidente cu ta tuma luga riba nos isla.
Hopi biahe e turistanan cu ta di bishita riba nos isla, no ta paga tino den trafico of no sa nos leynan basico, pa cual na mas di un ocasion nan ta haya nan mes envolvi den accidente.
