Dia di Chabeel ta conmemora e Shaheedi (martirio) di Guru Arjan Dev Ji, e di cinco Guru di Sikh. Na 1606, e Mughalnan a sinta Guru Arjan Dev Ji riba un placa di hero cayente y a basha awa cayente riba Guru Sahib Ji pasobra nan a nenga di compromete nan fe y converti na Islam. Aunke e tabata kima bibo, Guru Sahib Ji a medita y a acepta e boluntad di Dios como algo dushi.
En bes di lamenta, Sikhnan ta honra e candela di Guru Sahib Ji, door di refresca otro hende y keda den Chardi-Kala (spirito halto). E dia cu Guru Sahib Ji a keda martirisa, tabata un dia sumamente caluroso. P’esey, pa corda e sacrificio di Guru Sahib Ji y e les di aceptacion cu Guru Sahib Ji a siña, sikhon ta sirbi Chabeel.
![](https://24ora.com/wp-content/uploads/2024/06/Chabeel-day-1.jpeg)
Chabeel ta un bebida dushi friu ( no-alcoholico ) gratis cu ta distribui den zomer. Mayoria biaha ta sirbi un bebida ros cu ta wordo traha di lechi, awa y Rooh Afza (sirup di awa di rosa).
Na Aruba e gruponan di india cu ta residencia aki tambe ta forma parti di e ritual cu ta keda haci rond mundo riba e mes un fecha.
![](https://24ora.com/wp-content/uploads/2024/06/Chabeel-day-8.jpeg)
![](https://24ora.com/wp-content/uploads/2024/06/Chabeel-day-2.jpeg)
![](https://24ora.com/wp-content/uploads/2024/06/Chabeel-day-11.jpeg)
![](https://24ora.com/wp-content/uploads/2024/06/Chabeel-day-1.jpeg)
![](https://24ora.com/wp-content/uploads/2024/06/Chabeel-day-13.jpeg)
Aruna Singh hunto cu su casa Vicky Singh den oranan di mainta trempan a haci donacion di un cantidad grandi di bebidanan friu di e manera aki e comunidad di India na Aruba ta duna bek na comunidad di Aruba y ta parti bebida henter mainta completamente gratis.
Chabeel Day ta keda organisa ya caba na Aruba pa 6 aña consecutivo y cada 16 di juni ta reparti bebida completamente gratis. E actividad aki no ta keda celebra solamente na Aruba pero rond mundo unda cu tin ciudadanonan di India ta biba.
Na Aruba ta duna bek na comunidad di Aruba y di e manera aki ta recorda e esfuerso di Guru Arjun Dev ji cu a sacrifica su mes pa a scapa un cantidad di persona na India.