Diasabra, dia 6 di mei, for di 7:00 PM, Que Pasa Restaurant & Winebar lo tin un cena special di winepairing cu un dushi menu di cinco plato. Cada plato lo ta combina cu un biña cuidadosamente selecta di e bodega renombra Stags’ Leap di California.
E anochi lo cuminsa cu un amuse-bouche di Oude Kaas crispy, crema di Oude Kaas, bacon y ketchup Heinz combina cu un Gloria Ferrer Blanc di Nours Brut. E prome appetizer lo consisti di esparago Hulandes, paling huma, caviar di haring, batata crispy y shallot marina cu Viognier 2020 Stags’ Leap Napa Valley.
E di dos appetizer lo ta un tartar di lamchi huma cu dor di webo pickled, simia di mosterd y Amsterdams zuur combina cu Stags’ Leap Napa Valley Merlot 2019.
P’e plato principal, e huespednan lo disfruta di un pork tenderloin cushina riba candela abao cu shimeji mushroom, celeriac, parsley mouseline, promenton y saus di biña cora, combina cu un Stags’ Leap Napa Valley Petite Shirah 2019.
Por ultimo, como dessert, lo tin un bolo di almendra cu “mousse di hangop” Hulandes, strawberry fresco y gel di raspberry, combina cu un oporto rubi DOWS.
Bodega Stags’ Leap ta situa den e districto di Stags Leap di Napa Valley, California. E ta funda na 1893 y for di e tempo ey e ta conoci pa produci algun di e miho biñanan di mundo. E bodega ta specialmente famoso pa su Cabernet Sauvignon, cu a gana varios premio a lo largo di e añanan. E bodega Stags’ Leap ta comprometi cu sostenibilidad y ta uza e practicanan agricola respetuoso cu medio ambiente pa minimalisa su impacto ambiental.
NO PERD’E
E evento aki di winepairing ta un oportunidad unico pa disfruta di e algun di e miho biñanan di e bodega Stags’ Leap, combina cu e platonan elabora pa chef Michelle. Ta curasha esunnan interesa pa reserva yamando 5834888 of bishitando www.quepasaaruba.com. Por disfruta di e winepairing dentro di e cas historico di comerciante of pafo, den e hardin cu bista den e espectacular ‘old’ Oranjestad. Prijs ta di $89 pa persona.
No perde e oportunidad aki pa disfruta di un exkisito experiencia culinario y crea recuerdo inolvidabel. Que Pasa Restaurant & Winebar ta situa den Wilhelminastraat 18, Oranjestad.
