Ora cu tin un combinacion perfecto di cuminda, cualkier plato casi lo por cuminsa canta. Ta trata solamente di haya e combinacion perfecto cu no solamente ta complimenta pero tambe ta trece tur cos den un balansa perfecto. Riba 5 di november, e invitadonan di Que Pasa Restaurant & Winebar lo tin e oportunidad di experiencia un anochi exclusivo di e combinacion perfecto di e cuminda cu su biña (wining and dining) durante e evento di Food & Wine Pairing Dinner.
E dinner extraordinario aki lo ta presenta su clientenan c’un menu di cinco curso, cada uno prepara y combina. E prome combinacion lo ta un dushi mouse di pampuna cu crema di coco, pica di papaya y quinoa yena. Esaki ta combina c’un Freixenet Carta Nevada Semi Seco for di Spaña. Siguientemente, e anochi ta continua cu dos appetizer y nan combinacion for di California, Merca. E Francis Ford Coppola Pinot Grigio ta presenta sabor di mermelada di cranberry y tambe blueberry, noot seco tosta y chuculati scur. Pa locual ta e Liberty School Chardonnay, e sabornan inicial ta appel, lamunchi y jello di caramel, sigui di un final largo y cremoso c’un sabor di pineapple. Un manera excelente di conoce e biñanan y stimula e paladar. Pa loke ta e plato principal, un ribchi di baca cu puree di bacoba, salada di kool y smoked bell y pa finalisa cu sauce di promente combina cu Prisoner Cabernet Sauvignon cual tin e sabor di blackberry, caramel y specerij horna.
E anochi lo finalisa na Oporto, Portugal cu Graham’s Six Grapes Reserve Ruby. Oporto ta un ciudad famoso na nivel mundial no solamente pa su biña pero tambe pa su arkitectura y su atmosfera yena cu ambiente. E ciudad increibel aki e centro di comercio pa diferente sorto di biña desde 1678! E amantenan di biña na Aruba lo tin e posibilidad di disfruta di aroma dushi y seductor di plum, cherry y noot di chuculati bruin scur. Riba paladar, e ta complica, c’un structura excelente y un final largo y persistente. E ta rico na sabor como e ciudad! Asina ta, yama y haci bo reservacion pa un bunita anochi di dinner y di un sabor na Oporto, Portugal!
E combinacion aki di cuminda y biña lo tuma luga dia 5 di november, pa 7:00pm. Prijs ta di 75 dollar pa persona. Reservacion ta necesario. Pa menu y reservacion, bishita www.quepasaaruba.com of yama na (+297) 583-4888.
Que Pasa Restaurant & Winebar ta situa na Wilhelminastraat 18, Oranjestad.
