Un homber turista a keda atras na pia. El a pleita cu su casa den un vakantie cu a caba malo. Aruba ta One Happy Island pero no pa tur hende. E pareha lo a yega happy Aruba pero a caba unhappy den nan trip. Polis a haya yamada di e turista masculino cu a bati alarma.
E casa a bay lage y bay airport. Nan a pleita y e señora a rabia asina hopi cu el a dicidi di bay airport y bandona Aruba sin e homber. E homber a dicidi di cuminsa cana pa airport.
E no a keda cu placa ni pa paga taxi. El a yama Polis y patruya di Polis a yega cerca. E tabata kier un lift. Polis a yega haya un homber carson roos cortico. Esey ta mesun descripcion cu el a duna e Central di Polis caminda pa airport na pia. Polis a yega cerca dje riba Watty Vos Blvd yegando rotonde di Wayaca.
A papia cune y dune un lift pa airport. A avisa Grens Bewaking mesora pa mira si por yuda pa e turista por coy avion sin perde vuelo. E proceso aki pa yuda e turista tog a salie di malo pasobra e avion a bay lage y su casa a logra bay den avion. E mes a keda na pia atras sin placa pa paga hasta un taxi. Awor mester mira con aerolinea lo dune un man pa acomode y e por subi avion pa yega su destino.
