Diabierna a caba di habri, ora den careda di 00:25 di marduga informacion a drenta na Central di Polis, cu a haya un turista den camber na Marriott’s Aruba Surf Club y cu no ta duna señal mas di bida.Mesora a activa e protocol, unda a avisa tur instancia concerni. Polis a yega rapidamente na e sitio, mientras security di e resort a percura pa cera entradanan di e resort y controla tur esnan cu kier drenta nan propiedad. Polis a bay na e camber y a haya e personal di ambulance den pleno accion tratando di reanima un turista masculino.Lamentablemente esaki tabata sin resultado positivo. Dr. Texier a wordo yama y pa 01:45 am, Dr. Texier a constata morto di e turista homber di inicial S.R.M. di 54 aña, di nacionalidad Mericano.
E team di BFTO, conhuntamente cu recherche, tambe a yega na e sitio pa haci nan investigacion, pa asina descarta cualkier crimen cu por a tuma luga.
Pa siguridad e curpa a wordo confisca te ora resultadonan di investigacion ta keda cla.
