Den careda di 2:30 pm dos turista femenino tabata cana na altura di Alhambra. Un di nan a cay abou, probablemente e no a paga tino unda e lo tabata cana y pa un motibo of otro a trompica.
E turista a golpia y herida su pia malamente. Algun funcionario di e mall a sali mesora y brinda asistencia. Pa casualidad un patruya policial tabata pasando e momento ey. Di biaha a pidi ambulance p’e turista femenino cu tabata sangra for di su pia.
E tabata keha di dolor y no por a cana riba propio forsa. E paramediconan a stabilis’e y a opta pa bay cu ne poli pa un chekeo medico mas avansa.
