Diamars anochi, 10:40 pm, polis a move rapidamente pa E caminda Di Hato pa motibo di un accidente di trafico serio. Un turista cu tabata maneha un A-wagen a perde control di e vehiculo, y a bay dal violentamente contra un palo di luz y e auto a cay den un buraco banda di caminda.
E situacion a bira peligroso pasobra e impacto a laga e palo di lus gekentel na un manera peligroso loke tabata un riesgo pa e otro chauffeur- y pasaheronan. Pa e motibo aki, polis di trafico a hay’e obliga na cera caminda pa garantisa siguridad den e area y evita posibel accidentenan adicional.
E accidente a rekeri intervencion di personal di e compania NV Elmar cu a presenta na e sitio pa evalua e dañonan y sigui cu e reemplaso di e palo di luz cual a sufri daño.
Un biaha mas ta resalta e importancia pa nos bishitantenan di core cu cautela riba nos camindanan, specialmente si nan no ta conoce e area, cual ta hacie mas peligroso p’e chauffeur durante anochi.
